Velkomen til tårnagenthelg 15.-16.mars! Påmeldingslenke finn du lenger nede.
Solheim kyrkje treng agentar til å løyse mysterium og oppdrag. Så er du/eller fyller du 7, 8 eller 9 år i 2025, er du velkomen som agent. Bli med på ei helg der du får utforska klokketårn, symbol, skattar og bibelforteljingar i kyrkja.
Tid og stad: Solheim kyrkje, laurdag 15. mars klokka 12.15 – 16.00, med eit måltid klokka 14.00. Og sundag 16. mars klokka 10.00 – 12.30.
Laurdag: Velkomstsamling, med utdeling av agentskilt, tid til leik og bli betre kjent med kvarandre. Deretter skal me løyse ulike oppdrag rundt i kyrkja.
Sundag: Me møter kl.10.00 for å førebu oss saman til familiegudstenesta. Supersøndag gudstenesta byrjar kl. 11.00. Kyrkja sitt barnekort blir med og syng. Alle er velkomen, så ta med familie, fadrar, naboar og andre kjende. Etter gudstenesta vert det kyrkjekaffi for alle saman.
Klikk HER for påmelding. Påmedlingsfrist seinast mandag 10.mars.
Helsing Else Iren Westervik, trusopplærar.