Også i år gjer koronapandemien at det blir ei litt annleis jul, men heldigvis kjem jula til oss og i år. Les om programmet i kyrkja her.
Oppdatert 16. desember: Påmelding til julegudstenestene er no opna. Les meir og meld deg på her.
Juletrea er på plass i kyrkjene våre, og i år hadde me gleda oss til igjen å få samlast i kyrkja på den vanlige måten i førjulstida. Men pga. dei nye koronarestriksjonane og det høge smittetykket i Norge er desverre årets julekonsertar og skulegudstenester no før jul avlyst.
Men heldigvis er ikkje JULA avlyst! Også i år skal me få feira Jesusbarnet i krybba. Og etter planen blir det julegudstenester i kyrkjene som annonsert. Med dei nye reglande som gjeld frå 15. desember blir det plass til 50 personar pluss nokre medverkande på gudstenestene i jula.
Julaftan: Masfjorden sjukeheim kl. 12:00 (for bebuarar), Frøyset kl. 14:00 og Solheim kl. 16:00
1.juledag er det høgtidsgudsteneste på Sandnes kl. 12:00
I mellomtida ynskjer me alle ei riktig god førjulstid!
Tekst: kyrkjeverje Eli Eidsnes
Foto: Torbjørn Sæle