Velkomen til julegudsteneste i kyrkjene våre. Det blir påmelding, og du finn lenkene her.
Også i år har koronareglane avgrensa høve til å samla mange i kyrkja på julegudstenestene.
Dette er sjølvsagt kjedeleg men me er glade for at me iallfall kan få samle fleire, sjølv om vi ikkje får fylle kyrkjene. Difor er det påmelding til gudstenestene julafta og 1.juledag. Påmeldingslenkjene finn du under. Dei du melder på samla, reknar me som ein kohort, og at de då kan sitje saman. Det er difor viktig at du legg inn fleire påmeldingar om ikkje alle er i same kohort.
Alle må bruka munnbind på desse gudstenestene, og de vil få tilvist plass av kyrkjevertane når de kjem. Elles ber me om at de held avstand til dei de ikkje bur med, og at me ikkje handhelsar eller klemmer. Me minnar og om dei andre reglane, god handhygiene og vær heime om du blir sjuk. Har du meldt deg på og ikkje kan koma, ber me om at du gir beskjed til kyrkjeverja på mob 906 13 515 (helst sms) så andre kan få nytta plassen din.
Til informasjon er gudstenesta på sjukeheimen julafta kl. 12:00 berre for bebuarane på sjukeheimen.
Påmeldingslenkjene:
Julafta gudsteneste Frøyset kl.14:00
Julafta gudsteneste Solheim kl.16:00
1.juledags gudsteneste Sandnes kl.12:00
Visst påmeldinga er full, kan du setje deg på venteliste ved å sende namn og tlf nummer på sms til kyrkjeverja (906 13 515) Du vil då få beskjed om det kjem avmeldingar.
Tekst og Foto: kyrkjeverje Eli Eidsnes