Det er tilsett ny sokneprest i Masfjorden!
Me er glade for å kunne informere om at Bjørn Dalsgård Nygård (56) frå Alversund er tilsett som ny sokneprest i Masfjorden. Han kjem frå stillinga som prestevikar i Radøy og har med seg brei røynsle frå kyrkjeleg arbeid.
Nygård er opphavleg kateket og har tidlegare jobba i Bergen og Alver kyrkjelege fellesråd. Dei siste fire åra har han utdanna seg til prest ved Menighetsfakultetet, og går no inn i si første faste teneste som sokneprest.
Dette skjer frå 15. juni av.
Han er vaksen opp på Sunnmøre, men har budd i Alversund i fleire år. Bakgrunnen sin har han frå KFUK/M-miljøet, då gjennom speidar og Ten Sing arbeid. Tenesta i kyrkja starta som ungdomsarbeidar i Spjelkavik kyrkjelyd.
Tidlegare i år hadde han stiftspraksis i Masfjorden. Nygård tar til for fullt i midten av august.
Den 6. september blir han vigsla til prest i Alversund kyrkje. Og i gudstenesta på Sandnes 20.sept. blir han innsett som sokneprest i Masfjorden.
Tekst: Prost Helge Taranrød
Foto: Ragnhild Tveranger